|
Vedtektfestet formålMedieverksemd, herunder utgjeving av Firda på ulike innhaldsplattformer, å drive trykkeri-verksemd og det som står i samband med dette. Firda skal vere ei frittståande og politisk uavhengig avis. Grunnsynet byggjer på eit liberalt, verdikonservativt og menneskeleg grunnsyn. Den redaksjonelle leiinga og medarbeidarane har som oppgåve å publisere redaksjonelt innhald som gir lesarane sakleg, kritisk og sann orientering med hovudvekt på det som går føre seg i Sogn og Fjordane. Firda skal på leiarplass påverke utviklinga i samfunnet og distriktet i positiv lei. Det redaksjonelle arbeidet skal elles bygge på Vær varsamplakaten, Redaktørplakaten og Firda sine eigne etiske retningslinjer. Firda skal redigerast på nynorsk. Selskapet kan ved innskot av kapital og aksjeteikning delta i anna verksemd.
|